香港資訊科技商會榮譽會長方保僑指，相信政府為免有市民重複登記，必定以實名制做登記，建議市民假如擔心政府「反向追蹤」自己的消費模式或有其他私隱隱憂，可選用一個自己較常用的繳費方法，或考慮將消費券用在哪一類型的產品。
方保僑：用你比較信嘅支付方法
方保僑指，據他所知，由於有意見指去年派錢並未做到振興經濟之效，部份市民或用作儲蓄，因此本年度變成推出電子消費券，「你睇吓澳門啲人直情係排隊買嘢」，但坦言無可避免衍生私隱問題，「其實除非你從來都唔用實名登記嘅支付工具，否則就一定會有啲咁嘅問題」。
他指，由於計劃中每名市民只可領取一次消費券，為免重複登記，相信政府必定要求以實名制做登記，如電話號碼、身份證號碼等資料，「唔通可以拎10張八達通去fake（欺騙）個system（系統）？咁係無可能㗎嘛！」
方保僑續指，市民可選取一個比較常用的支付方法，「睇吓個方法係咪自己平時都用緊，如果你平日已經用緊嚟買嘢，搭車都會用，其實都唔爭在」。如部份屋苑須以八達通進出，連乘升降機都需要拍卡，「因為而家已經有太多scenario（情境）要用到八達通，咁反正你都有，用一個你比較信得多啲嘅」。
他建議，假如市民非常擔心政府會「反向追蹤」，或有其他私隱隱憂，「例如驚睇到你去幫襯『黃店』呀咁，咁你就可能考慮嗰5,000蚊係消費啲乜嘢，或者我寧願唔要呢5,000蚊消費券，我都唔想登記」。
https://hk.appledaily.com/local/20210224/IHYPTUQW6NCHVJCGNC3DE6QZEU/
Search